პარლამენტის თავმჯდომარე, დავით უსუფაშვილი, ტვ პირველისთვის მიცემულ ინტერვიუში სხვა საკითხებთან ერთად ბიძინა ივანიშვილის როლსაც შეეხო – მისი განცხადებით ყოფილი პრემიერი კვლავ პოლიტიკაში რჩება და მოსახლეობამ ხმის მიცემისას უნდა გაითვალისწინოს, რა რესურსი ექნება ქართულ ოცნებას ბიძინა ივანიშვილის გარეშე 8 ოქტომბრის შემდეგ.
„მაწუხებს იმიტომაც, რომ ამომრჩეველი, რომელიც 8 ოქტომბერს მივა ხმის მისაცემად, ეს კარგად უნდა გაიაზროს, ხმას აძლევს, მაგალითად, რესპუბლიკურ პარტიას უსუფაშვილიან, ხიდშელიანად და ა.შ. თუ ქართულ ოცნებას, რომელსაც ნოემბრიდან ბიძინა ივანიშვილი აღარ ეყოლება?! არ მინდა ვინმემ სხვანაირად გამიგოს, ან შეურაცხყოფად მიიღოს, მაგრამ პოლიტიკურად ქართული ოცნება არ არსებობს, რადგან პოლიტიკურად თუ ქართულ ოცნებას გამოვაკლებთ ივანიშვილს და საძალაუფლებო ბერკეტებს, იქ უბრალოდ აღარაფერი დარჩება, არც პოლიტიკურად, არც ორგანიზაციულად,“ – აცხადებს დავით უსუფაშვილი.
პარლამენტის თავმჯდომარის შეფასებებს არაკორექტული უწოდეს ქართული ოცნების წევრებმა, ისინი ამ განცხადებაში ვიწროპარტიულ ინტერესებს ხედავენ და რესპუბლიჯელების საარჩევნოკამპანიის ნაწილს ხედავენ
ოპოზიციაში კი რესპუბლიკელების წუხილს "დაგვიანებულად" აფასებენ და მიიჩნევენ, რომ პარლამენტის თავმჯდომარის შეფასება ქვეყანაში არაფორმალური მმართველობის არსებობას ადასტურებს.