რუსეთი ხმელთაშუა ზღვაში სამხედრო წვრთნას იწყებს. სევასტოპოლის პორტი ორმა ხომალდმა უკვე დატოვა. ორივე გემი მართვადი რაკეტებითა და ქვემეხებითაა აღჭურვილი. ისინი დანიშნულების ადგილზე 15 აგვისტოს ჩავლენ და სწორედ ამ დღეს იწყება სწავლებებიც.
ორივე რუსული გემი სირიის ოპერაციაში მონაწილეობდა და რუსეთის ავიაციას ზღვიდან ეხმარებოდა. ხომალდები შავ ზღვაში აგვისტოს ბოლოს დაბრუნდება.რუსეთის თავდაცვის სამინისტროს ინფორმაციით, წვრთნის ფარგლებში სამხედრო ხომალდებიდან რაკეტების გაშვებას გამოცდიან.