,,რესპუბლიკური პარტია'' ფოთის საქალაქო ორგანიზაციის თავმჯდომარემ ნუკრი თოშხუამ და 6-მა წევრმა დატოვა. მიზეზად გარკვეულ საკითხებში პარტიის შეხედულებებთან მათი შეუთავსებლობა სახელდება.
როგორც ორგანიზაციის ყოფილი თავმჯდომარე ამბობს, იგი 2005 წლიდან არის „რესპუბლიკური პარტიის" წევრი, იმ პერიოდიდან, როცა პარტია ოპოზიციაში იყო.
,, მრავალი მუქარის, დაშინების, მოსყიდვის მცდელობის მიუხედავად, განსაკუთრებით არჩევნების პერიოდში, ჩვენ ამას გავუძელით და ვიყავით პარტიის ერთგული, მაგრამ დღეს პარტიის და ჩემი შეხედულება რიგ საკითხებში ერთმანეთს არ ემთხვევა. ამიტომ მივიღე გადაწყვეტილება დავტოვო „რესპუბლიკური პარტიის" რიგები.
მისივე თქმით, იგი არც ერთ პოლიტიკურ პარტიაში გადასვლას არ გეგმავს და საერთოდ მიდის პოლიტიკიდან.