თურქეთის სამხრეთ-აღმოსავლეთ რეგიონში ერთდროულად ორი აფეთქება მოხდა. დაღუპულია 8, დაშავებულია 50-მდე ადამიანი. გარდაცვლილთა შორის არიან ბავშვებიც.
Daily Sabah – ის ცნობით, პირველი აფეთქება ერაყის საზღვართან მოხდა, პროვინცია მარდინში, გზისპირას დამონტაჟებული ბომბი მაშინ გაააქტიურეს , როცა იქ ჟავშნანი სამხედრო მანქანა გადიოდა, შესაბამისად, დაღუპულთა შორის არიან სამხედროებიც, სახელდება ხუთი გარდაცვლილი და 8 დაშავებული, რამდენიმე დაჭრილის მდგომარეობა კრიტიკულია.
მეორე აფეთქება მცირე ინტერვალით განხორციელდა ქურთებით დასახლებულ ქალაქ დიარ-ბაქირში, რასაც უპირატესად სამოქალაქო პირები ემსხვერპლნენ.
თურქეთის ხელისუფლებამ მომხდარში ქურთისტანის მუშათა პარტია დაადანაშაულა.
საქართველოს საგარეო საქმეთა სამინისტროს ცნობით, არც საქართველოს საელჩოში და არც საქართველოს გენერალურ საკონსულოებში ტრაპიზონსა და სტამბოლში ამ მომენტისათვის ინფორმაცია აფეთქებისას დაშავებულ და გარდაცვლილ პირებს შორის საქართველოს მოქალაქეების ყოფნის შესახებ ინფორმაცია არ შემოსულა. განცხადებაში ნათქვამია, რომ საელჩოს მუდმივი კავშირი აქვს ადგილობრივ ძალოვან სტრუქტურებთან, განაგრძობს მომხდარ ფაქტებზე დაკვირვებას და აუცილებლობის შემთხვევაში დამატებით განცხადებას გააკეთებს.'
სამინისტრო თურქეთში მყოფ საქართველოს მოქალაქეების საყურადღებოდ განცხადებას ავრცელებს:
ამასთან, ჩვეულ რეჟიმში, 24 საათის განმავლობაში, საქართველოს საელჩოსა და საქართველოს გენერალურ საკონსულოებში ტრაპიზონსა და სტამბოლში მოქმედებს ცხელი ხაზის ნომრები:
+90 533 690 30 40 (ანკარა),
+90 541 326 22 26 (ტრაპიზონი),
+90 541 818 44 00 (სტამბოლი).
საქართველოს საგარეო საქმეთა სამინისტროს საკონსულო დეპარტამენტში ასევე მოქმედებს ცხელი ხაზი:
(+995 32) 294 50 50 – სამუშაო დღის განმავლობაში 09:00-დან 18:00 საათამდე
(+995) 577 98 40 20 – 18:00 საათის შემდეგ და დასვენების დღეებში 24 საათის განმავლობაში", – ნათქვამია საგარეო უწყების განცხადებაში.