პორტუგალიის კუნძულ მადეირაზე ტყეში გაჩენილი ხანძრის შედეგად სამი ადამიანი დაიღუპა და ორი მძიმედ დაშავდა, მიმდინარეობს ათასობით პირის ევაკუაცია.სამაშველო სამუშაოებში 3 200-ზე მეტი ადამიანი მონაწილეობს.დასავლური პრესის ცნობით, სტიქიის გამო რამდენიმე საცხოვრებელი სახლი დაინგრა, მთლიანად დაიწვა ხუთვარსკალვიანი სასტუმრო. ხანძარი მადეირას დედაქალაქის, ფუნშალის სიახლოვეს მძვინვარებს. პორტუგალიის სამოქალაქო დაცვის სააგენტოს ცნობით, ქვეყნის სხვადასხვა რეგიონში ამ დროისთვის დაფიქსირებულია ხანძრის 109 კერა.
სტიქიის გამომწვევი მიზეზი მაღალი ტემპერატურაა, რომელიც ბოლო დღეებში 37 გრადუსს აღწევს.