მიკროავტობუსი, რომელსაც ამბროლაურში ,,ქართული ოცნების'' მაჟორიტარი დეპუტატობის კანდიდატის წარდგენაზე ლენტეხიდან მხარდამჭერები გადაჰყავდა, ქუჩაში მყოფ მოქალაქეებს დაეჯახა. არიან დაშავებულები, მათი ნაწილი ცაგერის საავადმყოფოში გადაიყვანეს, სოფელ ალპანის რწმუნებული კი, რომელიც სხვაზე მძიმედ დაშავადა ამ ინციდენტის დროს ქუთაისშია გადაყვანილი.
ექიმების თქმით, მისი მდგომარეობა სტაბილურად მძიმეა. ,,ქართულ ოცნებაში'' ავტოსაგზაო შემთხვევას ადასტურებენ და აცხადებენ, რომ დაშავებულები პარტიის მხარდამჭერები არიან, თუმცა არც ერთ მათგანს სერიოზული დაზიანება არ აღენიშნება.
შინაგან საქმეთა სამინისტროს ინფორმაციით, დაწყებულია გამოძიება. წინასწარი მონაცემებით, მძღოლმა მუხრუჭი ვერ დაიმორჩილა. მომხდართან დაკავშირებით საქმე 276 მუხლის პირველი ნაწილით არის აღძრული.