თურქეთ-რუსეთის დაახლოება ნატო-სთვის საფრთხეს არ წარმოადგენს. ამის შესახებ გერმანიის საგარეო საქმეთა მინისტრმა ფრანკ-ვალტერ შტაინმაიერმა გამოცემა Bild-ისთვის მიცემულ ინტერვიუში განაცხადა.„კარგია, რომ მას შემდეგ, რაც გასულ წელს თურქეთმა რუსული სამხედრო თვითმფრინავი ჩამოაგდო, ჩვენ დაახლოებას ვხედავთ. ამასთანავე, მე არ მჯერა, რომ ამ ორ ქვეყანას შორის ურთიერთობა იმდენად მჭიდრო გახდება, რომ რუსეთი თურქეთს უსაფრთხოების სფეროში ისეთ პარტნიორობას შესთავაზებს, რომელიც ნატო-ს ალტერნატივა გახდება“, – განაცხადა შტაინმაიერმა. დღეს თურქეთის პრეზიდენტი რეჯეპ თაიფ ერდოღანი ვიზიტით მოსკოვს ეწვევა. ეს იქნება ორი ქვეყნის ლიდერების პირველი შეხვედრა მას შემდეგ, რაც გასული წლის ნოემბერში თურქულმა ავიაციამ რუსული სამხედრო თვითმფრინავი ჩამოაგდო.
შტაინმაიერი – არ მჯერა, რომ რუსეთი თურქეთს უსაფრთხოების სფეროში ისეთ პარტნიორობას შესთავაზებს, რომელიც ნატო-ს ალტერნატივა გახდება
Published on