ექსპერტები თვლიან, რომ 2008 წელს განვითარებული მოვლენები გარდაუვალი იყო. მათი მტკიცებით, ერთდერთი ბერკეტი, რომელიც რუსეთს უკან დახევას აიძულებს საერთაშორისო ზეწოლაა. ანალიტიკოსების აზრით 8 წლის წინ საქართველოში რუსეთის სამხედრო ინტერვენციის მიზანი არა მხოლოდ ტერიტორიების დაკავება, არამედ მისთვის მისაღები რეჟიმის საქართველოში დასამყარებლად ხელშეწყობა იყო. ექსპერტები ოკუპირებული ტერიტორიების არაღიარების პოლიტიკის მნიშვნელობასა და შიდა ქართლში ამჟამად არსებულ ვითარებაზე ამახვილებენ ყურადღებას.“ეს იყო პირდაპირი ღია და დაუფარავი აგრესია, რომლის საბოლოო ამოცანა როგორც ჩანს იყო თბილისის აღება და აქ მყოფი ხელისუფლების დამხობა. მიუხედავად იმისა, რომ აფხაზეთის და ოსეთის ოკუპაცია მოხერხდა, შეერთებული შტატების მკაცრი ჩარევის შედეგად, მთლიანი გეგმა საქართველოს სახელმწიფოებრიობის ბოლომდე გაუქმებისა, მან ვერ მოახერხა, – განაცხადა საქართველოს ატლანტიკური საბჭოს გამგეობის თავმჯდომარემ დავით სიხარულიძემ.