თურქეთის ფეხბურთის ფედერაციამ 94 ადამიანი დაითხოვა სახელმწიფო გადატრიალების მცდელობასთან კავშირში მიტანილიეჭვის საფუძველზე, მათ შორის რამდენიმე მსაჯიცაა, თურქული მედიის ცნობით, ერთ-ერთიმათგანი სუპერ ლიგის მოქმედი მსაჯია.
„ჩვენმა ფედერაციამ საჭიროდ მიიჩნია 94 ადამიანის გათავისუფლება, მათ შორის არიან რეგიონული და ეროვნული დონის მსაჯები და დამხმარე მსაჯები, რეგიონულ მსაჯთა კომიტეტის წევრები და ეროვნული და რეგიონული დამკვირვებლები", – ნათქვამია თურქეთის ეროვნული ფედერაციის განცხადებაში.
თანამშრომლების გათავისუფლებამდე ორი დღით ადრე საფეხბურთო ფედერაციამ განცხადება გააკეთა, რომ ფედერაციის კომიტეტების ყველა წევრი გადადგა, რათა მიეცა გამოძიებისთვის დრო იმის გამოსაკვლევად , აქვთ თუ არა მათ კავშირი ფეთჰულაჰ გიულენთან .
თურქეთში გადატრიალების მცდელობის ორგანიზატორების თვითმფრინავი 16 ივლისის ღამეს ბეშიქთაშის საფეხბურთო სტადიონზე დაეშვა. ამან აღძრა ეჭვი, რომ გადატრიალებაში ფეხბურთის ფედერაციის თანამშრომლებიც მონაწილეობდნენ