რადიო ,,ათინათის" ცნობით, ზუგდიდში, ცოტნე დადიანის ქუჩაზე მდებარე "გალფის" ბენზინგასამართ სადგურზე რამდენიმე წუთის წინ აფეთქება მოხდა. მოსახლეობის და თვითმხილველების ინფორმაციით, ხმა იმდენად ძლიერი იყო,რომ გარშემო სახლები შეაზანზარა.
ადგილზე მობილიზებულია შინაგან საქმეთა საგანგებო სიტუაციების სამსახურის თანამშრომლები და სამართალდამცავები. მათი ინფორმაციით,მსხვერპლი არ არის. ადგილზე მიმდინარეობს შესაბამისი სამუშაოები.