არასამთავრობო ორგანიზაცია ,,სამართლიანმა არჩევნებმა'' წინასაარჩევნო პერიოდთან დაკავშირებით შუალედური ანგარიში წარადგინა.
მასში ნათქვამია, რომ 1-დან 18 ივლისის ჩათვლით გამოვლინდა ზეწოლის მუქარის 2, სამსახურიდან პოლიტიკური ნიშნით გათავისუფლების 3, ამომრჩევლის სავარაუდო მოსყიდვის 2 და ადმინისტრაციული რესურსის გამოყენების 2 ფაქტი.
„ყველაზე უფრო საყურადღებოა სავარუდო მოსყიდვის ფაქტები, რომელიც ერთ შემთხვევაში ქართული ოცნების, ხოლო მეორე შემთხვევაში ნაციონალური მოძრაობის სასარგებლოდ გაჩნდა კითხვები. ასევე არის სხვა დარღვევები, მათ შორის სავარაუდოდ, პოლიტიკური ნიშნით თანამდებობიდან გათავისუფლება, ასევე ზეწოლა მუქარის ფაქტები,“- აღნიშნა მიხეილ ბენიძემ.
დოკუმენტში არასამთავრობო ორგანიზაცია ყურადღებას ამახვილებს საარჩევნო კანონმდებლობაში შეტანილ ცვლილებებზე და მათ არასაკმარისად მიიჩნევს.
სამართლიანი არჩვენები ანგარიშში ადგილობრივ თვითმმართველობებს, პოლიტიკურ პარტიებსა და უწყებათაშორის კომისიებს რეკომენდაციებით მიმართავს.