დილის 9 საათიდან ქალაქში ცენტრალური გზები გადაიკეტა, რაც ადგილობრივების უკმაყოფილების მიზეზი გახდა. მძღოლები ამბობენ, რომ შემოვლითი გზით უწევთ მოძრაობა, რაც პრობლემას წარმოადგენს. პრეტენზიებს ქვეითად მოსიარულეებიც გამოთქვამენ "მოხუცი ვარ შვილო და ტაქსმა მესამე ქუჩის იქეთ დამსვა, იქედან ფეხით მოვედი"..- "რა საჭირო იყო ასე ადრიანად გზის გადაკეტვა თუ კონცერტი 7-ზე იწყებოდა"- ამ ფორმით გამოხატეს უკმაყოფილება "ოდიშინიუსთან" ადგილობრივებმა. შეგახსენებთ, რომ დღეს 7 საათზე ცენტრალურ მოედანზე საქართველოს პრემიერ-მინისტრი გიორგი კვირიკაშვილი სამეგრელოს რეგიონის მაჟორიტარი დეპუტატობის კანდიდატებს წარადგენს. წინასწარი ინფორმაციით ქალაქ ზუგდიდის მაჟორიტარი დეპუტატობის კანდიდატი ქალაქის საკრებულოს თავმჯდომარე მერაბ ქვარაია, მუნიციპალიტეტის კი- რაიონის გამგებელი ედიშერ თოლორაია იქნება.