დაიწყო საქართველოს პრემიერ მინისტრის გიორგი კვირიკაშვილის ოფიციალური ვიზიტი თურქეთში . სამხედრო გადატრიალების მცდელობის შემდეგ, საქართველოს პრემიერმინისტრი პირველი სახელმწიფო მეთაურია, რომელიც ანკარაში ჩავიდა, პრემიერ მინისტრი საქართველოს მთავრობის წევრებთან ერთად, პირველად მიიღებს მონაწილეობას ქვეყნებს შორის სტრატეგიული პარტნიორობის საბჭოს სხდომაზე. შეხვედრაზე მთავარი თემები იქნება პოლიტიკური, ეკონომიკური და სავაჭრო ურთიერთობები თურქეთსა და საქართველოს შორის.სადაც სტრატეგიული პარტნიორობის საბჭოს პირველი სხდომა უნდა გაიმართოს. ასევე მოლაპარაკების მთავარი თემა იქნება თურქეთში სამხედრო გადატრიალების მცდელობა და სტაბილურობა რეგიონში.სტრატეგიული პარტნიორობის საბჭოს სხდომის დასრულების შემდეგ ხელი მოეწერება შეთანხმებებს ქვეყნებს შორის თანამშრომლობის შესახებ .
მთავრობის ადმინისტრაციის მიერ გავრცელებული ინფორმაციით, ანკარის საერთაშორისო აეროპორტში საქართველოს დელეგაციას თურქეთის ტრანსპორტის მინისტრი, აჰმეთ არსლანი დახვდა. აჰმეთ არსლანის განცხადებით, თურქეთის ხელისუფლება უდიდეს მნიშვნელობას ანიჭებს საქართველოს პრემიერ-მინისტრის ვიზიტს და მას რეგიონში სტაბილურობის კუთხით განიხილავს.საქართველოს პრემიერ-მინისტრმა თურქეთის სახელმწიფოს და თურქ ხალხს მშვიდობა და სტაბილურობა უსურვა და კიდევ ერთხელ გამოხატა სამძიმარი თურქეთში სამხედრო გადატრიალების მცდელობის დროს გარდაცვლილთა გამო.
ამ დროისათვის მიმდინარეობს საქართველოს პრემიერმინისტრის შეხვედრა თურქეთის პარლამენტის თავმჯდომარესთან ისმაილ ქაჰრამანთან, ერთდღიანი ვიზიტის ფარგლებში,იგი ასევე გამართვას შეხვედრას თურქეთის პრემიერ-მინისტრთან,ბინალი ილდირიმთან. მთავრობის ადმინისტრაციის ინფორმაციით, საქართველოს პრემიერ–მინისტრი, გიორგი კვირიკაშვილი და თურქეთის რესპუბლიკის პრემიერ–მინისტრი, ბინალი ილდირიმი მედიისთვის ერთობლივ განცხადებებსაც გააკეთებენ.