„თავისუფალი დემოკრატების“ წევრები სპორტის სასახლეში იკრიბებიან. „თავისუფალი დემოკრატები“ დღეს საარჩევნო სიის ოცეულს წარადგენენ. როგორც პარტიის ერთ-ერთი წევრი ალექსი პეტრიაშვილი აღნიშნავს, დღეს ყრილობაზე პარტია წარადგენს პარტიული სიის პირველ ნაწილს და ასევე მაჟორიტარების ძირითად ბირთვს.„ეს არის ჩვენი რიგით მეოთხე ყრილობა. 7 წელი გვისრულდება მას შემდეგ, რაც დაარსდა ჩვენი პარტია. ვემზადებით არჩევნებისთვის. დღეს იქნება ძალიან მნიშნელოვანი გზავნილები ჩვენი მოსახლეობისთვის. ჩვენი დევიზია „უკეთესი ეკონომიკა, უკეთესი ცხოვრება“. დღეს პარტიის თავმჯდომარე ირაკლი ალასანია წარადგენს პარტიული სიის პირველ ნაწილს, ასევე მაჟორიტარების ძირითად ბირთვს. იქნებიან როგორც ძველი გამოცდილი სახეები, ასევე ახალი, ძალიან საინტერესო სახეები“,- განაცხადა ბუკა პეტრიაშვილმა. მისივე თქმით, „თავისუფალი დემოკრატები“ დარწმუნებულები არიან თავის ძალებში.
ინტერპრესნიუსი