,, ორი თვე გავიდა კორცხელის ინციდენტიდან და, დროა, გარდა კომენტარებისა, საზოგადოებამ რეალური ქმედებები ნახოს – აღნიშნა დღეს პრეზიდენტმა გიორგი მარგველაშვილმა ბათუმში მიმდინარე საერთაშორისო კონფერენციაზე "საქართველოს ევროპული გზა'', სადაც ქვეყანაში არსებულ წინასაარჩევნო გარემოსთან კონტექსტში ისაუბრა კორცხელის ინციდენტის გამოძიების აუცილებლობაზეც.
"ადამიანები, რომლებიც გადაწყვეტენ, რომ პოლიტიკურ დებატებს რაღაც სხვა ზომები ჯობია, ისინი რა თქმა უნდა, სამართლებრივად აგებენ პასუხს და ეს საკითხი უნდა დადგეს. ჩვენ აღარ გვინდა კომენტარები, ჩვენ გვინდა ქმედებები. მე და საქართველოს საზოგადოება ველოდებით სწორ, გამჭვირვალე საარჩევნო პროცესს. მეორე ის, რომ მედია იყოს აბსოლუტურად თავისუფალი და ასახოს არჩევნები. ჩვენ თუ არ გვექნება ეფექტური კომუნიკაციის გზები, არჩევნები ვერ იქნება ეფექტური", – აღნიშნა გიორგი მარგველაშვილმა ბათუმში "დიალოგი პრეზიდენტთან" შეხვედრის ფარგლებში.