მთავარისიახლეებიმსოფლიო84 დაღუპული და 100-ზე მეტი დაშავებული - ბოლო მონაცემები ნიცაში მომხდარი ტერორისტული...

84 დაღუპული და 100-ზე მეტი დაშავებული – ბოლო მონაცემები ნიცაში მომხდარი ტერორისტული აქტის შესახებ

Published on

84 დაღუპული და 100-ზე მეტი დაშავებული, რომელთაგან ბევრის მდგომარეობა კრიტიკულია. ასეთია ბოლო მონაცემებით წუხელ, გვიან ღამით  ნიცაში განხორციელებული ტერორისტული აქტის შემზარავი შედეგი .  
გრძელდება ინციდენტის დროს თავის საშველად ზღვაში გადამხტარი ადამიანების ძიება – ამ დროისათვის ასზე მეტი ადამიანია ამოყვანილი ნაპირზე.
პანიკა დაწყო მას  შემდეგ, რაც  უცნობმა პირმა ცეცხლი გახსნა და სატვირთო ავტომობილით შეიჭრა ხალხში, რომელიც ინგლისის სანაპიროზე იყო შეკრებილი საფრანგეთის ეროვნული დღესასწაულის – ბასტილიის აღების დღისადმი მიძღვნილი საზეიმო ფეიერვერკის საყურებლად.  სატვირთო ავტომობილი  დიდი სისწრაფით აკეთებდა ხვეულებს ორი კილომეტრის რადიუსში და დაუნდობლად სრესდა ხალხს. ბოროტმოქმედი პოლიციელის მიერ ადგილზე იქნა ლიკვიდირებული. მისი ავტომობილიდან კი ამოღებულია იარაღი და ხელყუმბარები.
დაღუპულთა და დაშავებულთა შორის საფრანგეთის მოქალაქეებთან ერთად არიან, ბრიტანეთის, დანიისა და ავსტრალიის მოქალაქეებიც.
ნიცაში ტერორისტული საფრთხის დონე მაქსიმალურამდეა გაზრდილი, – ამის შესახებ საფრანგეთის შინაგან საქმეთა მინისტრმა ბერნარ კაზნევმა განაცხადა. 
მისივე თქმით, ხელისუფლება მოქალაქეების დასაცავად ყველაფერს აკეთებს, თუმცა საფრანგეთში ტერაქტების საფრთხე კვლავ ძალიან მაღალია. ,,ტერორისტებთან ომის პირობებში ვართ, მათ სურთ, ჩვენზე დარტყმა ნებისმიერ ფასად მიიტანონ“ – განაცხადა ბერნარ კაზნევმა.
მოსახლეობას, უსაფრთხოების მიზნით, სახლში დარჩენისკენ მოუწოდებენ. პასუხისმგებლობა ჯერ არც ერთ დაჯგუფებას არ აუღია.
თავდასხმა ნიცაში პარიზის ტერაქტებიდან 8 თვის შემდეგ მოხდა, მაშინ 130 ადამიანი დაიღუპა. 
 
 

სიახლეები

ფედერალურმა მოსამართლე კარლ ნიკოლსმა USAID-ის თანამშრომლების გათავისუფლების გადაწყვეტილება და სააგენტოს დაშლის გეგმა დროებით დაბლოკა

ფედერალურმა მოსამართლე კარლ ნიკოლსმა USAID-ის თანამშრომლების გათავისუფლების გადაწყვეტილება და სააგენტოს დაშლის გეგმა დროებით დაბლოკა. მოსამართლემ,...

“ეს არის ხელისუფლების მიერ ყველა ზღვრის გადაკვეთის ერთ-ერთი აშკარა გამოვლინება” – დენბერი ამაღლობელის საქმეზე

"ვფიქრობ, ეს არის ხელისუფლების მიერ ყველა ზღვრის გადაკვეთის ერთ-ერთი აშკარა გამოვლინება. ძალიან ბევრს ამბობს...

“რუსეთმა, კურსკის რეგიონში, ჩრდილოეთ კორეელი ჯარისკაცები კვლავ შეიყვანა” – ზელენსკი

უკრაინის პრეზიდენტის, ვოლოდიმირ ზელენსკის განცხადებით, რუსეთმა კვლავ შეიყვანა ჩრდილოეთ კორეელი ჯარისკაცები კურსკის რეგიონში და...

თვითგამოცხადებულმა პრემიერმა ევროსაბჭოს გენერალურ მდივანს, ალან ბერსეს ერთობლივ სამუშაო ჯგუფში მუშაობაზე უარი უთხრა

ევროსაბჭოს გენერალური მდივნის, ალან ბერსეს განცხადებით, ოლიგარქის პრემიერმინისტრმა, ირაკლი კობახიძემ მას ერთობლივ სამუშაო ჯგუფში...