ქალაქ ზუგდიდის საკრებულოს ფრაქცია ,,ერთიანმა ნაციონალურმა მოძრაობამ“ მოსახლეობას საკრებულოში საქმიანობის ანგარიში წარუდგინა.შეხვედრა დემოკრატიული ჩართულობის ცენტრში შედგა. ფრაქციის წევრმა ანი წითლიძემ ფრაქციის მიერ ინიცირებულ კანონპროექტებზე და მოსახლეობასთან გამართულ შეხვედრებზე ისაუბრა.“თამამად შემიძლია ვთქვა, რომ ფრაქცია "ერთიანი ნაციონალური მოძრაობა" არის ის ფრაქცია, რომელსაც 200-ზე მეტი შეხვედრა ქონდა ადგილობრივ მოსახლეობასთან და რომელსაც ყველაზე მეტი ინიცირებული საკითხი ჰქონდა“- განაცხადა ანი წითლიძემ.აქვე განიხილეს ის სამომავლო გეგმები, რომლის განხორციელებასაც ფრაქცია სამომავლოდ აპირებს.შეხვედრა დისკუსიის რეჟიმში წარიმართა, შეხვედრის მონაწილეებმა მათთვის საინტერესო კითხვები დასვეს.აღნიშნული ღონისძიება აშშ-ის საერთაშორისო განვითარების სააგენტოს (USAID) დაფინანსებითა და ეროვნულ-დემოკრატიული ინსტიტუტის (NDI) დახმარებით ხორციელდება.