გარემოს დაცვის მინისტრი გიგლა აგულაშვილი სოციალურ ქსელში განცხადებას ავრცელებს და რესპუბლიკური პარტიის დატოვების მიზეზებეს განმარტავს.
"საქართველოს პრემიერმინისტრთან კონსულტაციების შემდეგ მივიღე გადაწყვეტილება დავტოვორესპუბლიკური პარტია და დავრჩე გიორგი კვირიკაშვილის სამთავრობო გუნდში. ეს ნაბიჯი არ იყო უმტკივნეულო, რადგან წლები მაკავშირებს რესპუბლიკურ პარტიასთან, მაგრამ გადაწყვეტილების მიღებისას მამოძრავებდა მოქალაქეობრივი პასუხისმგებლობა. კარგად ვარ ინფორმირებული პრემიერმინისტრისა და მისი გუნდის სამომავლო გეგმებზე, მჯერა ჩემი არჩევანის სისწორისა, რადგან იგი უკავშირდება საქართველოს მდგრად, სტაბილურ განვითარებას, თითოეული მოქალაქის კეთილდღეობას. ბუნებრივია, ჩემთვის დიდი პატივია, სამთავრობო გუნდში ქართულ ოცნებასთან ერთად გავაგრძელო საქმიანობა და წვლილი შევიტანო ქვეყნის აღმშენებლობის საქმეში," – ნათქვამია აგულაშვილის მიერ გავრცელებულ განცხადებაში