ახალსოფლის რეაბილიტირებული სკოლის შენობაში ჩასახლებული დევნილები საცხოვრებელი გარემოსა და პირობების შეცვლას ითხოვენ. აქ ჩასახლებული 42 ოჯახი ლტოლვილთა და განსახლების სამინისტრომ აქ 2015 წლის ივლისში ჩაასახლა.შენობას რეაბილიტაცია შვედეთის საერთაშორისო განვითარების სააგენტოს დაფინანსებით, დანიის ლტოლვილთა საბჭო გაუკეთა. დევნილები სამინისტროსგან კონკრეტულ ნაბიჯებს ითხოვენ, მათი თქმით, კორპუსში, სადაც მცირეწლოვანი ბავშვები და მოხუცები ცხოვრობენ, ნესტის გამო აუტანელი სუნი დგას და ამის გამო ბავშვებს ასთმური პრობლემები აწუხებთ.ასევე ითხოვენ წყლის მრიცხველის ინდივიდუალურად დამონტაჯებას და ეზოს კეთილმოწყობას.დევნილთა პრობლემების შესახებ აჭარისა და სამეგრელო-ზემო სვანეთის დევნილთა სამმართველოს უფროსი მანუჩარ ჩილაჩავა ინფორმირებულია, ამის შესახებ მან ჟურნნალისტებს განუცხადა, რომ ყველა იმ პრობლემაზე, რაც იქ მცხოვრებ დევნილებს აწუხებთ, პასუხისმგებლობას ყველა უწყება თანაბრად ინაწილებს.შეგახსენებთ, რომ აღნიშნულ შენობაში საცხოვრებელი ფართის მიღების მოთხოვნით განაცხადი 2014 წელს 141-მა ოჯახმა შეავსო. ბინები კი იმ დევნილებმა მიიღეს, რომლებსაც შესაბამისი ქულა მიენიჭათ კრიტერიუმების გათვალისწინებით.
ახალსოფლის ყოფილი სკოლა-ინტერნატის შენობაში ჩასახლებული დევნილები საცხოვრებელი გარემოსა და პირობების შეცვლას ითხოვენ.
Published on