პროექტის "თვითრეგულირების მექანიზმების გაძლიერება რეგიონულ მაუწყებლებში" პრეზენტაცია გამართა დღეს ტელე-რადიო კომპანია „ოდიშის“ საკონფერენციო დარბაზში „საქართველოს რეგიონულ მაუწყებელთა ასოციაციის“აღმასრულებელმა დირექტორმა ნათია კუპრაშვილმა.საქართველოში მოქმედი 21 რეგიონული ტელევიზია და 5 რადიოსადგური, რომლებიც ყოველდღიურად ამზადებენ საინფორმაციო და საზოგადოებრივ პოლიტიკურ პროგრამებს და არიან ,,საქართველოს რეგიონულ მაუწყებელთა ასოციაციის” (GARB) წევრები, DW აკადემიის მხარდაჭერით, მაუწყებელთა თვითრეგულირების ორგანოების საქმიანობის გააქტიურებას და ამ მხრივ აუდიტორიასთან მჭიდრო თანამშრომლობას იწყებს.პროგრამა თვითრეგულირების წარმომადგენელთა წვრთნასთან ერთად, ითვალისწინებს შეხვედრებს თემატურ ჯგუფებთან საქართველოს რეგიონებში. მონაწილე მაუწყებლები საგანმანათლებლო-სოციალური რგოლებით წარმოებული საინფორმაციო კამპანიით ხელს შეუწყობენ მოსახლეობის ცნობიერების ამაღლებას. შეიქმნება სპეციალური პორტალი, რომელიც დაინტერესებულ პირებს გაუმარტივებს შესაბამისი მაუწყებლების თვითრეგულირების ორგანოებთან დაკავშირებას . მაუწყებლობის შესახებ კანონისა და მაუწყებელთა ქცევის კოდექსის თანახმად, მაუწყებელი ვალდებულია ჰქონდეს თვითრეგულირების ეფექტური მექანიზმი, რომელიც უზრუნველყოფს საჩივრების განხილვას და დარღვევებზე დროულ და დასაბუთებულ რეაგირებას. შეხვედრას დაინტერესებული პირები, არასამთავრობო სექტორისა და მედიის წარმომადგენლები ესწრებოდნენ, შეხვედრა დისკუსიის რეჟიმში გაიმართა, მედიის წარმომადგენლებმა მათტვის საინტერესო კითხვებზე ამომწურავი პასუხები მიიღეს.
ტელე-რადიო კომპანია „ოდიშის“ საკონფერენციო დარბაზში რეგიონულ მაუწყებლებში თვითრეგულირების მექანიზმების გაძლირებაზე იმსჯელეს
Published on