დღეს დილით ზუგდიდის მერიის ზედამხედველობის სამსახურმა ზუგდიდის ცენტრალური სუპერმარკეტის მიმდებარე ტერიტორიის ნახევრის დატოვება მოსთხოვა გარემოვაჭრეებს. როგორც გარემოვაჭრეები აცხადებენ, ზედამხედველობის სამსახურის წარმომადგენელმა განუმარტა მათ, რომ ამ ადგილზე სექტემბრამდე ვაჭრობის უფლება მიეცემათ, თუ დასჯერდებიან ტროტუარის ერთ ნაწილს და მითითებულ ტერიტორიას არ გასცდებიან.
ამ დროისათვის ტროტუარის ერთი ნაწილი თავისუფალია, მეორე ნაწილზე კი გარემოვაჭრეები აგრძელებენ საქმიანობას და საწავლო პროცესის დაწყებამდე დარჩებიან.
მერიის საზოგადოებასთან ურთიერთობის სამსახურის უფროსი მაია ღუბელაძე მედიასთან საუბარში განმარტავს: "გამომდინარე იქიდან, რომ საქართველოს კანონმდებლობა კრძალავს გარე ვაჭრობას, ქალაქ ზუგდიდის მერია ამგვარ ნებართვას არ გასცემს. ცალსახად ვაცხადებთ, რომ გარე ვაჭრობა კანონით აკრძალულია და ყველა ვალდებულია დაემორჩილოს კანონს. ზედამხედველობის სამსახური ეტაპობრივად ახორციელებს გარე ვაჭრობის აკრძალვას, რისი დასტურიცაა ის, რომ ამ დღეებში შპს ცენტრალური სუპერმარკეტის მიმდებარე ტერიტორიის ნაწილში გარე ვაჭრობა აღკვეთილ იქნა. აღნშნული პერიოდულად, მოვაჭრეების ინტერესების გათვალისწინებითა და კანონის დაცვით მოხდება,"