დასავლურ მედიაში გავრცელებული ცნობით, პრინცმა უილიამმა, რომელიც დე ფაქტო მისი უდიდებულესობა ელისაბედის ოფიციალური სპიკერია, გააკეთა მინიშნება, რომ, თუ ბრიტანეთის პარლამენტი მიიღებს კანონს ბრიტანეთის ევროკავშირიდან გასვლის თაობაზე , დედოფალს შეუძლია გამოიყენოს უფლება ხელი არ მოაწეროს ისეთ კანონს, რომელიც ეწინააღმდეგება გაერთიანებული სამეფოს ეროვნულ ინტერესებს. უინძორებს სამეფო ვეტოს უფლება ოთხას წელზე მეტია არ გამოუყენებიათ , თუმცა ინარჩუნებენ ამ უფლებას. ინფორმაცია ეყრდნობა კემბრიჯის ჰერცოგის პრინც უილიამის განცხადებებს, რომელსაც იგი აკეთებდა ჯერ კიდევ თებერვალში, როცა მას დაუსვეს კითხვები ევროკავშირიდან დიდი ბრიტანეთის შესაძლო გასვლის შესახებ. ,, გარდიანის'' ცნობით, პრინცმა თებერვალში გამართულ ბრიტანელ დიპლომატებთან შეხვედრაზე წარმოთქმულ სიტყვაში გადაკვრით მიანიშნა, რომ სამეფო ოჯახი ქვეყნის ევროკავშირში დარჩენის მომხრეა. კერძოდ, მან ილაპარაკა შეთანხმებული და მწყობრი მოქმედებების აუცილებლობის შესახებ იმ პრობლემათა გადაჭრისათვის, რომელსაც სამყარო უკანასკნელ წლებში აწყდება. თანამშრომლობას სხვა ერებთან მან ბრიტანეთის უსაფრთხოებისა და განვითარების ქვაკუთხედი უწოდა.დასავლური მედია უბრუნდება აგრეთვე პრინც უილიამის მიერ ადრე გაკეთებულ სხვა მინიშნებებსაც და არ გამორიცხავს, რომ სამეფო ოჯახი თავის სიტყვას იტყვის ბრექსიტთან დაკავშირებითაც თვით ვეტოს დადებამდეც კი.
დედოფალი ელისაბედი სიურპრიზს ამზადებს? უინძორებს სამეფო ვეტოს უფლება ოთხასი წელია არ გამოუყენებიათ, მაგრამ შეუძლიათ!
Published on