რეიტერსის ცნობით, ბრიტანეთის 18 დან 24 წლის ასაკამდე ახალგაზრდების 64 პროცენტმა ქვეყნის ევროკავშირში დარჩენას დაუჭირა მხარი. ისინი  თვლიან, რომ ევროკავშირის წევრობა  ნიშნავს გადაადგილების თავისუფლებას, შრომის უფლების დაცულობას და მათ  ხსნას რეცესიისგან.  

,,კონსერვატორმა პენსიონერებმა ამ არჩევანით დაანგრიეს ჩვენი  და ქვეყნის  მომავალი’’ – აცხადებენ ისინი. 

თავის მხრივ,  ხანშიშესული კონსერვატორები დარწმუნებულნი არიან, რომ ასეთი შედეგი გააუმჯობესებს სიტუაციას ბრიტანეთში, 65 წლის ასაკის ზემოთ მოქალაქეების 58 პროცენტი აცხადებს, რომ   Brexit  ქვეყანას შესაძლებლობას მისცემს გაუმკლავდეს მიგრაციულ კრიზისს და თავი დაიხსნას ბრიუსელის დიქტატურისგან. 

ახალგაზრდები სოციალურ ქსელებში , განსაკუთრებით ,,თვითერზე’’ აცხადებენ, რომ , როცა ქვეყანაში რეფერენდუმის შედეგების გათვალისწინებით გარდუვალი რეცესია დაიწყება , პირველ რიგში სწორედ ხანდაზმულ ადამიანებს უნდა ჩამოეჭრათ პენსია, რადგან სწორედ მათმა პოზიციამ განაპირობა რეფერენდუმის ამგვარი შედეგი. 

თავად ხანდაზმულები, რომერლტაც გაანაწყენეს ახალგაზრდები სოციალურ ქსელებში არ აქტიურობენ , მაგრამ ისინი ახალგაზრდებზე არანაკლებ მტკიცე პოზიციაზე რჩებიან : ,,რატომ ავიწყდებათ ახალგაზრდებს ბრიტანეთის დამოუკიდებლობა და არასაკმარისი დემოკრატია ევროკავშირში, ასევე ის, რომ ჩვენი კანონების ნახევარზე მეტი ბრიუსელში იწერება? – წერენ  Brexit – ის მოხრეები