გამომცემლობა „ინტელექტის“ ორგანიზებით ზუგდიდის ცენტრალურ ბიბლიოთეკაში გაიმართა შეხვედრა მწერლებთან ეთერ თათარაიძესა და ამირან არაბულთან, რომლებმაც მკითხველს საკუთარი წიგნები წარუდგინეს.
„სულუქცევრად საკითხავნი“ ამირან არაბულის ჩანაწერების წიგნია. სათაური, ავტორის განმარტებით, დიალექტიკური ტერმინია და სულმოუთქმელის ხევსურული შესატყვისია, შესატყვისია და ყანწის ერთი ამოსუნთქვით დაცლას გულისხმობს. ეთერ თათარაიძის პოეტურ და პროზაულ კრებულებში „100 ლექსი“ და „დევიღუპეთ“ იუმორისტული და ამავდროულად ტრაგიკული თემებია თავმოყრილი.
მწერლებმა ზუგდიდელ მკითხველთან შეხვედრის შთაბეჭდილებებზე ისაუბრეს.
გამომცემლობა „ინტელექტი“ ზუგდიდის ცენტრალურ ბიბლიოთეკასთან ერთად მწერლებთან შეხვედრას პერიოდულად აწყობს. ორგანიზატორების თქმით, მკითხველები ამ დარბაზში მომავალშიც არაერთ ავტორს შეხვდებიან.