როგორც გაირკვა,სოთბის აუქციონზე გასაყიდად გამოტანილი ფიროსმანის ნახატი "შველი წყლის პირას" ბიძინა ივანიშვილმა შეიძინა.
ამის შესახებ მან განაცხადა ბეჭდური და ონლაინ-მედიის წარმომადგენლებთან დრევანდელ შეხვედრაზე და დასძინა, რომ ნახატი ხელოვნების მუზეუმს გადაეცემა.
„პროცესი, რომ შეიძენ ფიროსმანს და აბრუნებ ქვეყანაში და გადასცემ ერთ მუზეუმს, მის პოპულარობას შესაძლოა, აკნინებს, ვინაიდან ნახატი უნდა იყოს ბაზარზე და უნდა ნახოს მსოფლიომ, მაგრამ, ალბათ, უნდა იყოს მსჯელობა იმაზე, რომ ფიროსმანის ნახატების 30% ან გავცვალოთ მუზეუმებთან და სხვა მხატვრები შემოვიტანოთ ან რაღაც. საცოდაობაა, რომ ფიროსმანი მარტო საქართველოში იყოს წარმოდგენილი. ის მსოფლიო დონის მხატვარია და მსოფლიო ამ სახით უნდა იცნობდეს. ამაზე საზოგადოება უნდა შეთანხმდეს. ფიროსმანს არ ჰქონდა იმდენი ნახატი, რამდენიც, მაგალითად, პიკასოს. ნახატების რაოდენობა ამის საშუალებას არ იძლევა, რომ კერძოსაც ბევრი ჰქონდეს, მუზეუმსაც და ა.შ. ამიტომ გადავეცი მუზეუმს, რომ დაიწყოს მსჯელობა, რომ ფოროსმანი უფრო პოპულარული გახდეს მსოფლიოში", – განაცხადა ივანიშვილმა.
შეგახსენებთ, ამ წუთებში მიმდინარეობს ყოფილი პრემიერ – მინისტრის შეხვედრა ჟურნალისტებთან