საქართველოს პრემიერი ენერგეტიკის საერთაშორისო ფორუმში მონაწილეობს, რომელიც სასტუმრო Rooms-ში მიმდინარეობს. გიორგი კვირიკაშვილსთვის ვილზალიერბალიზაციის მოლოდინებთან დაკავშირებით დასმულ კითხვაზე, პრემიერმა განაცხადა, რომ ქვეყანას ყველა დავალება შესრულებული აქვს და პოზიტიური მოლოდინები აქვს ამ მიმართულებით. „საქართველომ შეასრულა ყველა დავალება, შევასრულეთ ვიზალიბერალიზაციის სამოქმედო გეგმის ტექნიკური ნაწილი, დავაკმაყოფილეთ ევროკომისიის მიერ წარმოდგენილი კრიტერიუმები და მომზადდა დადებითი ანგარიში. ახლა ვიმყოფებით ევროკავშირის წევრ ქვეყნებს შორის მხარდაჭერის კონსოლიდაციის პროცესში. ჩვენ გვჭირდება ევროპული საბჭოსა და ევროპარლამენტის თანხმობა. გვესმის, თუ რა გამოწვევის წინაშეა ევროპა მიგრანტების კრიზისის, რეფერენდუმების გამო. მაგრამ, დარწმუნებულები ვართ, რომ წლის ბოლომდე და საპარლამენტო არჩევნებამდე გადაწყვეტილება მიღებული იქნება,“ – განაცხადა გიორგი კვირიკაშვილმა.
“დარწმუნებულები ვართ, საპარლამენტო არჩევნებამდე გადაწყვეტილება მიღებული იქნება,“ – კვირიკაშვილი ვიზალიბერალიზაციაზე
Published on