ზუგდიდში, ბარამიას ქუჩაზე, 4 თორმეტსართულიანი კორპუსის მშენებლობა დაიწყო, სადაც ბინას 288 დევნილი ოჯახი მიიღებს. საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა და სამეგრელო-ზემო სვანეთის გუბერნატორმა ლევან შონიამ მიმდინარე სამშენებლო სამუშაოები დაათვალიერეს. სამშენებლო სამუშაოებს ტენდერში გამარჯვებული კომპანია „დაგი“ განახორციელებს.
ზუგდიდში ვიზიტისას, სოზარ სუბარმა დემურიას ქუჩაზე არსებული შენობის სარეაბილიტაციო სამუშაოებიც მოინახულა. სადაც მინისტრის განცხადებით საცხოვრებელ ფართს 47 დევნილი ოჯახი მიიღებს.