„ტექნოპარკში“ ნახევარ საათზე მეტია დაიწყო და მიმდინარეობს ბიძინა ივანიშვილის შეხვედრა ეროვნული მაუწყებლების წარმომადგენლებთან , რომელიც საზოგადოებრივ არხზე გასული ინტერვიუთი უკმაყოფილო ყოფილმა პრემიერმა დაანონსა მას შემდეგ, რაც ,,რუსთავი 2 -სა'' და ,,ტაბულასთან'' მისი წარმომადგენლების მოლაპარაკებები ინტერვიუზე მისი თამაშის წესების მიხედვით უშედეგოდ დასრულდა.
მე არ ვიზიარებ შეფასებას, რომ ძირითადად ჟურნალისტების მიჭირხვნით ვარ დაკავებული, – განაცხადა მან ჟურნალისტებთან ურთიერთობის შესახებ დასმული კითხვის პასუხად. მისი თქმით, „თოვლის მიჭირხვნა კარგია, ადამიანის – არა…,ძალიან ბევრი კარგი შეხვედრა ჰქონია ჟურნალისტებთან.
”საერთოდ მე ძალიან მიყვარს ჭეშმარიტების ძიება და არაფრით არ განვსხვავდები ალბათ სხვა ადამიანებისგან. ვაძლევს თავს უფლებას, თუ ისე არ ვხედავ, ვუპასუხო. მე არ მგონია, რომ ზღვაგდასულია ეს”, – განაცხადა ივანიშვილმა.
ყოფილმა პრემიერმა ისაუბრა იმაზეც, თუ რატომ აღარ არის მისი გადაცემები ”2030”-ში.
”რაც შეეხება ჩემს ჟურნალისტობას, როდესაც პოლიტიკიდან წასული მე ძიების პროცესში ვიყავი, მინდოდა გამომეყენებინა ჩემი შესაძლებლობები. თუმცა მერე მალევე ვთქვი, უარი და მათქმევინეს, ისეთი იყო რეაქცია. ეტყობა რაღაც შემეშალა და ჩემი ჟურნალისტობა არავის მოუნდა”, -განაცხადა ივანიშვილმა.
მაღალი საზოგადოებრივი ინტერესიდან გამომდინარე, შეხვედრა საზოგადოერივი მაუწყებლის პირდაპირ ეთერში მიმდინარეობს