საქართველოს პრეზიდენტი გიორგი მარგველაშვილი სტრასბურგში იმყოფება – დღეს სამუშაო ვიზიტის ფარგლებში იგი ევროპის საბჭოს გენერალურ მდივანს, ტორბიორნ იაგლანდს და ევროპის პარლამენტის პრეზიდენტს მარტინ შულცს, ევროპის სახალხო პარტიის და სოციალ – დემოკრატების ალიანსის ლიდერებს შეხვდება.
პრეზიდენტი სიტყვით გამოვა ევროპის პარლამენტის საგარეო ურთიერთობათა კომიტეტის სხდომაზეც სადაც ვიზალიბერალიზაციის შესახებ ისაუბრებს. საქართველო – ევროკავშირის ურთიერთობებზე გაამახვილებს ყურადღებას და ევროპარლამენტარების შეკითხვებს უპასუხებს.
სტრასბურგიდან მარგველაშვილი ბრიუსელში გაემგზავრება სადაც 8-9 ივნისს, დაგეგმილია შეხვედრები ნატოს გენერალურ მდივანთან, ევროკავშირის საბჭოს პრეზიდენტთან, დონალდ ტუსკთან და ევროპული სამეზობლო პოლიტიკისა და გაფართოებაზე მოლაპარაკებების საკითხებში ევროკომისარ იოჰანეს ჰანთან.