კორცხელის ინციდენტში მონაწილე 6 სპორტსმენს ბრალი წარუდგინა, თუმცა არცერთი მათგანი დაკავებული არ არის. ამასთან დაკავშირებით მთავარმა პროკურორმა ირაკლი შოთაძემ განცხადება გააკეთა. იგი აცხადებს, რომ სულ ცოტა ხანში ბრალდების მხარე სასამართლოს მიმართავს, რომ აღკვეთის ღონისძიების შეფარდება მოხდეს.
პროკურატურა ინციდენტში მონაწილე პირებისთვის აღკვეთის ღონისძიების შეფარდების სახით გირაოს ითხოვს.
შეგახსენებთ, შსს-მგანცხადება ბრალის წარდგენის შესახებ გუშინ გვიან ღამით გავრცელა .
ცემის მუხლის ნაცვლად, რომლის შეცვლასაც მესამე სექტორი ითხოვდა, ბრალდებულების მიმართ სისხლის სამართლებრივი დევნა ჯგუფური ხულიგნობით მიმდინარეობს. გარდა ამისა, ერთ-ერთ სპორტსმენის სანქცია შედარებით მძიმეა და, სავარაუდოდ, ხელკეტის გამოყენების გამო 4-დან 7 წლამდე პატიმრობას ითვალისწინებს, თუმცა დაზარალებულების დეპუტატის სტატუსი და პოლიტიკური შემადგენელი გამოძიებას არ გაუთვალისწინებია.
სამართალდამცავმა უწყებამ ბრალდებულების მხოლოდ ინიციალები გაავრცელა,მაგრამ ამ ინიციალების ამოხსნა რთული არ არის, რამდენადაც კორცხელის მოსახლეობამ და ქართულმა მედიამ იმავე დღეს მოახდინა მათი იდენტიფიცირება, ესენია: კობა ტყეშელაშვილი, ვლადიმერ გეგეშიძე, ნოშრევან წურწუმია, გიორგი გიგაური, გიგა ტყემალაძე.