უკრაინაში საქართველოს ყოფილი კონსული თეიმურაზ ნიშნიანიძე უკრაინის გენპროკურატურას მოუწოდებს გამოაქვენოს მის საცხოვრებელ ბინასა და სამუშაო კაბინეტში რამდენიმე დღის წინ ჩატარებული ჩხრეკის ოქმები.
ნიშნიანიძის თქმით, მისი თხოვნის მიუხედავად, ჩხრეკის ოქმის ასლის მიწოდებაზე უარი უთხრეს.
"გამოაქვეყნონ ის, რაც ამოიღეს და თქვან, რა კავშირი აქვს ამას ჩემთან“, – აღნიშნა ნიშნიანიძემ, რომელიც გეგმავს უახლოეს დღეებში აპირებს ამავე მოთხოვნით უკრაინის უსიშროების საბჭოსაც მიმართოს.
ნიშნიანიძის განცხადებით, ბინიდან, რომელსაც ის ქირაობს, ჩხრეკის დროს ამოღებულ იქნა მისი პირადი დანაზოგი – 5 000 დოლარი, 200 ლარი და 150 ევრო.
ამავე დროს იგი აცხადებს, რომ ის ოდესის ოლქის გუბერნატორის მრჩეველი არ არის და მხოლოდ ფონდს ხელმძღვანელობს.
"არ შეიძლება ოდესის გუბერნატორის მრჩეველი ვიყო, მე ვარ საქართველოს მოქალაქე, ვარ მხოლოდ ფონდის "ოდესის საკეთილდღეოდ” გამგეობის თავმჯდომარე და მზად ვარ ვუპასუხო ნებისმიერ შეკითხვას, რომელიც შეეხება ფონდში ჩემს საქმიანობას, ისევე როგორც ოდესაში საქართველოს გენკონსულის თანამდებობაზე მუშაობას, თუმცა ასეთი შეკითხვით ჩემთვის დღემდე არავის მოუმართავს“ – ამბობს იგი.
შეგახსენებთ, თეიმურაზ ნიშიანიძის საცხოვრებელი სახლისა და კაბინეტის ჩხრეკას ოდესის ოლქის გუბერნატორმა მიხეილ სააკაშვილმა პოლიტიკური დაკვეთა უწოდა.