სააპელაციო სასამართლოში დასრულდა რუსთავი 2-ის საქმის დღევანდელი სხდომა.  

 სააპელაციო სასამართლოს  გადაწყვეტილებით საქმის განხილვა 3 ივნისს 14:00 საათზე გაგრძელდება ქიბარ ხალვაშის ადვოკატის  სააპელაციო პოზიციის მოსმენით. რაც შეეხება რუსთავი2-ის, ძმები ყარამანიშვილებისა და ტვ საქართველოს წარმომადგენლებს. მათ უკვე გააცნეს კოლეგიას საკუთარი არგუმენტები

“ყველა დღეზე, ყველა საათზე მიდის ვაჭრობა,“ – აცხადებს ტვ საქართველოს ადვოკატი ზაზა ბიბილაშვილი სააპელაციო სასამართლოში რუსთავი2-ის საქმეზე გამართული პროცესის შესახებ. მისი თქმით, კოლეგიას დავალებული აქვს, რაც შეიძლება მალე, დაამთავროს საქმის განხილვა.  

“ გამოიკვეთა ტენდენცია, რომ სასამართლომ უკიდურესად დააჩქარა ტემპი და გადავიდა პრაქტიკულად იმ რეჟიმში, რომლითაც საქმეს იხილავდა პირველ ინსტანციაში თამაზ ურთმელიძე. დღეს მოსამართლეებს სურდათ, რომ პროცესი გაგრძელებულიყო ზეგ, რაც ობიექტურად ვერ იყო შესაძლებელი. ყველა დღეზე, ყველა საათზე მიდის ვაჭრობა. პარასკევს, 2 საათზე ჩვენ დავბრუნდებით იმ ეტაპზე, როდესაც პაატა სალია წარმოთქვამს თავის სიტყვას. თუმცა, მე არ ვარაუდობ, რომ სააპელაციო სასამართლო შეძლებს, პარასკევს დაასრულოს საქმის განხილვა. კოლეგიას  დავალება აქვს ასეთი, რომ საქმის განხილვა მორჩეს, რაც შეიძლება სწრაფად,“ – განაცხადა ბიბილაშვილმა.