ლეიბორისტული პარტიის ლიდერი შალვა ნათელაშვილი დღეს ზუგდიდში გიგა ოთხოზორიას ოჯახში იმყოფებოდა.„ის ტყვია მთელს საქართველოს ესროლეს. სასტიკად უნდა დაისაჯოს არამარტო მკვლელი, არამედ თვითმარქვია თანამდებობის პირთა ის კორპუსი, რომელიც თარეშობს აფხაზეთსა და ცხინვალის რეგიონში, ახალ თაობას რომ ზრდის ქართველმოძულე და მანიაკალურ საფუძველზე. უნდა აღიძრას მათზე სისხლის სამართლის საქმეები, ინტერპოლით გამოცხადდეს ძებნა, ისევე როგორც აქ განლაგებული რუსეთის სამხედრო კონტიგენტის გენერლებსა და ოფიცრებზე, მათ დიპლომატებზე, უნდა განხორციელდეს სავიზო სანქციები, ეს არის სახელმიფოებრივი მიდგომა და არა მარტო ის, რომ მთავრობამ პანაშვიდებზე იაროს“, -განაცხადა შალვა ნათელაშვილმა.
გიგა ოთხოზორია ხურჩაში 19 მაისს ქართული მხარის მიერ კონტროლირებად ტერიტორიაზე გადმოსული საოკუპაციო რეჟიმის სამხედროებიდან ერთ-ერთმა ფიზიკური შეურაცხყოფისა და სროლის შედეგად ადგილზე მოკლა.გიგა ოთხოზორიას 26 მაისს ზუგდიდში დაკრძალავენ