მოსახლეობის მოლოდინისა და პროტესტის მიუხედავად ცსკო დუმს და არ იღებს გადაწყვეტილებას კორცხელის საარჩევნო უბანზე ხმის პროცესის ჩაშლილად გამოცხადების შესახებ.
როგორც ჩვენი კორესპონდენტი კორცხელიდან იუწყება, სიტუაცია განმუხტული არ არის, ამომრჩევლები სტრესულ მდგომარეობაში იმყოფებიან. ზონდერები კვლავ გამოჩნდნენ ტერიტორიაზე, საიდანაც თითქოს გაიყვანეს.სიტუაცია კვლავ იძაბება. გრძელდება ჟურნალისტებისათვის ხელის შეშლის მცდელობა. ამ წუთებში გვაცნობეს, რომ ტელერადიოკომპანია ,,ოდიშის'' ოპერატორს იმ მხრიდან ნასროლი ქვა მოხვდა, სადაც ზონდერები არიან შეჯგუფებუნი.( დეტალებს უახლოეს დროში გაცნობებთ).
ზუგდიდის რაიონის სოფელ კორცხელში საკრებულოს შუალედურ არჩევნებზე მომხდარი ფიზიკური დაპირისპირების ფაქტზე შს სამინისტრომ გამოძიება დაიწყო. როგორც უწყებაში აცხადებენ, ,, ცემის ფაქტზე გამოძიება სისხლის სამართლის კოდექსის 125-ე მუხლით მიმდინარეობს.''
სანამ შს სამინისტრო თავდასხმის მონაწილეებსის ვინაობას ადგენს, მოსახლეობა თავად ცდილობს მათ იდენტიფიცირებას. ამ წუთებში ანი ნადარეიშვილმა თავის ფეისბუქზე გამოქვეყნა ფოტო, რომელზედაც აღბეჭდილია რბევის მონაწილე – ვლადიმერ გეგეშიძე – მოჭიდავე,
ტრანსფორმირებული მხედრიონი – ამჯერად არა ჯაბა იოსელიანის, არამედ ბიძინა ივანიშვილის მხედრობა და ეგზეკუცია სამეგრელოში – ასეთია ქართული ოცნების ხელისუფლების სანაქებო დემოკრატიული არჩევნები.