გარემოვაჭრეებმა ზუგდიდში ცენტრალური მაგისტრალი რამდენიმე წუთის წინ გადაკეტეს. აქციის მონაწილეები გარევაჭრობის აკრძალვას აპროტესტებენ. ისინი აცხადებენ, რომ დღეს დილიდან გარევაჭრობა აეკრძალათ.დილით ბაზრობაძე მისულ მოვაჭრეებს მერიის ზედამხედველობის სამსახურისა და პოლიციის თანამშრომლები დახვდნენ და დახლების გაშლის ნება არ მისცეს.სწორედ ამის შემდეგ გადაწყვიტეს მოვაჭრეებმა მერიაში წასვლა.გარემოვაჭრეებმა შეხვედრა ითხოვეს 10 წუთიანი ადგილობრივ ხელისუფლებასთან, თუმცა, მათთან შეხვედრაზე კომპეტენტური პირი არ გამოსულა, რამაც მოვაჭრეთა გაღიზიანება გამოიწვია, რასაც მოყვა ცენტრალური მაგისტრალის გადაკეტვა.აქციის მონაწილეები პოლიციამ მალევე დაშალა, ისინი ისევ მერიასთან არიან ამ წუთებში შეკრებილი. მათივე ინფორმაციით, თუ მათი მოთხოვნები არ დაკმაყოფილდება აქციებს ქუთაისში, პარლამენტთან გააგრძელებენ. ამ წუთებში მერიაში რამდენიმე გარემოვაჭრეა შეყვანილი და მიმდინარეობს მოლაპარაკებები, ამის მერე გაირკვევა პროტესტის რა ფორმას მიმართავენ გარემოვაჭრეები.შეგახსენებთ, რომ გარემოვაჭრეებმა მერიის წინ აქცია რამდენიმე დღის წინათაც გამართეს.მაშინ მერიამ მათ გარევაჭრობის ნება დროებით დართო.