საქართველოს ექსპრეზიდენტი მიხეილ სააკაშვილი თავის ოფიციალურ გვერდზე ამერიკის შეერთებულ შტატებში მიმდინარე საარჩევნო კამპანიას ეხმაურება:
აშშ პრეზიდენტობის კანდიდატი რესპუბლიკური პარტიიდან, როგორც ჩანს, მილიარდერი დონალდ ტრამპი გახდება. მე მას კარგად ვიცნობ, ჩვენ არაერთგზის შევხვედრივართ ერთმანეთს, მას დიდი საინვესტიციო პროექტი ჰქონდა საქართველოში. აი, რას ამბობდა იგი ჩვენზე 2012 წელს: ,,მთელი მსოფლიოს ლიდერები ჩადიან საქართველოში იმ მიზნით, რომ ისწავლონ მათგან, თუ როგორ უნდა იმოქმედონ, ხოლო სააკაშვილი დღეს ერთერთი საუკეთესო მსოფლიო ლიდერია“ – აღნიშნა მან.
ექსპრეზიდენტი დასძენს, რომ ამავე დროს აქვს გარკვეული შეკითხვები რუსეთის მიმართ ტრამპის პოზიციასთან დაკავშირებით.
,,არ შემიძლია არ ვთქვა, რომ მისი ზოგიერთი ახლანდელი გამონათქვამი პუტინის შესახებ დიდ შეკითხვებს აღძრავს. და თუმცა მან ახლახან განაცხადა, რომ რუსეთის თვითმფრინავები ჩამოგდებულ უნდა იქნას, ვიმედოვნებ, მისი თვალსაზრისი ამ საკითხის გარშემო ევოლუციას განიცდის და სწორი მიმართულებით განვითარდება'' – აღნიშნავს მიხეილ სააკაშვილი