“თავისუფალი საქართველოს“ კორცხელის მაჟორიტარი დეპუტატობის კანდიდატი თეონა ქარდავა საჯარო მოხელეებს ადმინისტრაციული რესურსის გამოყენებაში ადანაშაულებს.ქარდავას ინფორმაციით, 13 მაისს კორცხელში საარჩევნო შეხვედრაზე ადგილობრივი ხელისუფლების წარმომადგენლები იმყოფებოდნენ.ბრალდებებს უარყოფენ ადგილობრივ თვითმმართველობებში და აცხადებენ, რომ შეხვედრებს არასამუშაო საათებში ესწრებოდნენ.“ერთდღიანი შვებულება ავიღე და იმ ერთ დღეს ვიყავი შეხვედრაზე“- განაცხადა ზუგდიდის საკრებულოს საზოგადოებასთან ურთიერთობის სამსახურის უფროსი მაგდალინა თოდუამ.სამეგრელო-ზემო სვანეთის გუბერნიის აპარატის თანამშრომელი დათო კოდუა კი ქარდავას ცრუ ინფორმაციის გავრცელებაში ადანაშაულებს.მაჟორიტარი კანდიდატი თეონა ქარდავა აღნიშნულთან დაკავშირებით სასამართლოში ჩივილს აპირებს. საქართველოს საარჩევნო კოდექსის 45-ე მუხლის მიხედვით, ადგილობრივი თვითმმართველობის ორგანოების საჯარო მოხელეების სამუშაო საათებში და სამსახურეობრივი მოვალეობის შესრულებისას წინასაარჩევნო აგიტაციის გაწევის და აგიტაციაში მონაწილეობის უფლება ეკრძალებათ. ამ მუხლის დარღვევა 2000 ლარის ჯარიმას ითვალისწინებს.
კორცხელში შუალედური არჩევნები 22 მაისს იმართება. ზუგდიდის საკრებულოს მაჟორიტარობისთვის სამი კანდიდატი იბრძვის.