გიორგი ვაშაძე პარლამენტში მხარდაჭერებს ხვდება. დეპუტატის საზოგადოებასთან ურთიერთობის სამსახურის უფროსის თეონა ჭალიძის მიერ მოწოდებული ინფორმაციით, შეხვედრაზე არიან ის ადამიანებიც, რომლებმაც „ნაციონალური მოძრაობის“ მანდატები დატოვეს. 
განცხადება თავად გიორგი ვაშაძემაც გააკეთა.„ოთხი წლის განმავლობაში მჯეროდა, რომ ”ნაციონალურ მოძრაობაში” არსებობდა პერსპექტივა, დღეს კი ერთადერთ პერსპექტივად ახალი პოლიტიკური პარტიის შექმნა მიმაჩნია“, – განაცხადა ვაშაძემ.  მისივე თქმით, 2016 წლის საპარლამენტო არჩევნებში მონაწილეობას მიიღებს, თუმცა პარტიის სახელწოდებას და თანაგუნდელების ვინაობას ამ დრომდე არ ასახელებს. „2016 წლის არჩევნებში აუცილებლად მივიღებ მონაწილეობას. დარწმუნებული ვარ, ჩვენი შედეგებით ძალიან ბევრს გავაოცებთ. რაც შეეხება სიას, ამას გადაწყვეტს შიდა დემოკრატიული პროცესი. ცნობილ სახეებთან დაკავშირებით კი ვფიქრობ, რომ დღეს სრულიად ახალი სახეებია საჭირო“, – განუცხადა ჟურნალისტებს გიორგი ვაშაძემ. ვაშაძემ „ნაციონალური მოძრაობის“ დატოვების გადაწყვეტილებასთან დაკავშირებით განცხადება გუშინ გააკეთა. ის ახალი პოლიტიკური პარტიის შექმნას გეგმავს. 

ინტერპრესსნიუსი