წუხელ, გვიან ღამით რკინიგზის ყოფილი საავადმყოფოს შენობაში მცხოვრებმა სოციალურად დაუცველებმა და დევნილებმა თბილისის მერის დავით ნარმანიას სახლთან საპროტესტო აქცია გამართეს. მანამდე ისინი მთელი დღის განმავლობაში მერიასთან იმყოფებოდნენ, მაგრამ, რადგანაც მერთან შეხვედრა ვერ შეძლეს, აქცია მის სახლთან გადაიტანეს.
აქციის მონაწილეები აცხადებენ, რომ რკინიგზის ყოფილი საავადმყოფოს შენობა საცხოვრებლად უვარგისია – ინგრევა, არ არის ელექტროენერგია, ბუნებრივი აირი და წყალი, რის გამოც შენობაში ანტისანიტარიაა. აქციას დავით ნარმანიას სახლთან სამოქალაქო სექტორის წარმომადგენლებიც შეუერთდნენ.