ეროვნულ-დემოკრატიული ინსტიტუტი(NDI) 2016 წლის მარტის საზოგადოებრივი კვლევის შედეგების პირველ ნაწილს აქვეყნებს. გამოკითხულთა 66% საქართველოს ამჟამინდელ ეკონომიკურ მდგომარეობას უარყოფითად აფასებს, 3% კი, დადებითად.

იმ 66%-ს შორის, ვინც ფიქრობს, რომ საქართველოს ეკონომიკური მდგომარეობა ცუდია, 53% ამას გლობალურ მიზეზებს უკავშირებს, 81% ახალი მთავრობის შეცდომებს, ხოლო 59% წინა მთავრობის შეცდომებს.

კვლევის საველე სამუშაოები ჩატარდა 23 თებერვალი-14 მარტის პერიოდში, საქართველოს მასშტაბით, 3,900 პირისპირ ინტერვიუს წარმომადგელობითი შერჩევის საფუძველზე. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.