პირადი ცხოვრების ხელშეუხებლობა საქართველოსა და ევროკავშირს შორის თანამშრომლობის პრიორიტეტებში შედის – განაცხადა საქართველოში ევროკავშირის წარმომადგენლობის ხელმძღვანელმა იანოშ ჰერმანმა ჟურნალისტებთან პირადი ცხოვრების ამსახველი ფარული ვიდეოჩანაწერების საკითხის კომენტირებისას.
" მეც ამ საზოგადოების ნაწილი ვარ, რომელიც შოკირებული იყო, რომ ასეთი მასალები დაიდო. კარგია, რომ გამოხატული იყო ერთიანობა საზოგადოების მხრიდან ასეთი მასალების გამოქვეყნების მიუღებლობასთან დაკავშირებით.
"ამ საკითხზე გაერთიანდა როგორც პოლიტიკური სპექტრი, ასევე სამოქალაქო საზოგადოება, რიგითი მოქალაქე და სასურველი იქნება, რომ ასეთი ერთიანობა ამ საკითხის მიმართ მომავალშიც გაგრძელდეს", – აღნიშნა იანოშ ჰერმანმა.