ამ წუთებში ხმაურია ზუგდიდის ცენტრალური სუპერმარკეტის ტერიტორიაზე. როგორც ადგილზე მყოფი მოვაჭრეები აცხადებენ, ამაღამ მერიის ზედამხედველობის სამსახური ბაზრის სავალ ნაწილებზე განთავსებული ლითონის კონსტრუქციის დემონტაჟს აპირებს. ცენტრალური სუპერმარკეტის ტერიტორიაზე იმყოფება ქალაქ ზუგდიდის საკრებულოს ფრაქცია "ერთიანი ნაციონალური მოძრაობის" წევრიც ანა წითლიძე. როგორც დეპუტატმა ჩვენთან საუბარში განაცხადა, ადგილზე სამართალდამცავები არიან მობილიზებულნი, ბაზრის ტერიტორიაზე იმყოფებიან ქალაქ ზუგდიდის ვიცე-მერი გია გულორდავა, მერიის ზედამხედველობის სამსახურის უფროსი ნუკრი ესართია და შსს ზუგდიდის სამმართველოს უფროსი კობა ხარებავა. ანა წითლიძის განცხადებით, შელაპარაკება მოხდა მასსა და სამმართველოს უფროსს შორის.
ცენტრალური სუპერმარკეტის ტერიტორიაზე იმყოფებიან მოვაჭრეებიც. ამ დრომდე ლითონის კონსტრუქციების დემონტაჟის პროცესი არ დაწყებულა.