საქართველოს პრემიერ-მინისტრი გიორგი კვირიკაშვილი თურქეთის დედაქალაქში მომხდარ აფეთქებასთან დაკავშირებით სპეციალურ განცხადებას ავრცელებს. მთავრობის მეთაური სამძიმარს უცხადებს თურქ ხალხს .
"უდიდეს მწუხარებას გამოვთქვამ თურქეთის დედაქალაქ ანკარაში დღეს საღამოს მომხდარი აფეთქების გამო, რომელსაც ადამიანების სიცოცხლე შეეწირა, არიან დაშავებულებიც. ვუსამძიმრებ გარდაცვლილთა ოჯახებსა და ახლობლებს, ვიზიარებ ჩვენი მეგობარი თურქი ხალხის მწუხარებას. მინდა, იცოდეთ, რომ ამ განსაცდელის ჟამს ქართველი ხალხი თქვენ გვერდითაა", – ნათქვამია განცხადებაში.
ბოლო მონაცემებით, ანკარაში მომხდარი აფეთქებისას 34 ადამიანი დაიღუპა, 120-მდე კი დაშავდა. საქართველოს მოქალაქეების დაშავების ან გარდაცვალების შესახებ ინფორმაცია ჯერჯერობით არ ვრცელდება. დაშავებულთა და გარდაცვლილთა იდენტიფიცირება ამ დრომდე მიმდინარეობს.
თურქეთის დედაქალაქ ანკარაში მომხდარ აფეთქებასთან დაკავშირებით თურქეთში საქართველოს საელჩოში მოქალაქეებისთვის "ცხელი ხაზი" ამოქმედდა.
მოქალაქეებს საჭიროების შემთხვევაში შეუძლიათ დარეკონ ნომერზე
