პარლამენტში შევიდა მთავრობის მიერ ინიცირებული საკანონმდებლო პაკეტი, რომელიც ეკონომიკურ საქმიანობათა რეესტრის შექმნას ითვალისწინებს. ცვლილებების დამტკიცების სემთხვევაში რეესტრში დარეგისტრირება სავალდებულო იქნება იმ ფირმებისთვის, რომლებიც უცხოეთში დასაქმების მსურველებს უწევენ მომსახურებას .
დღეს ადამიანის უფლებათა დაცვის კომიტეტის სხდომაზე მისი პირველი მოსმენა მიმდინარეობს. ,,უცხოეთში დასაქმება სადღაც ტრეფიკინგის ზღვარზე გადის და ამიტომ ამ ტიპის საქმიანობა ეკონომიკური საქმიანობის რეეტრში სავალდებულო წესით იქნება დასარეგისტრირებელი. ამ წესის დარღვევის შემთხვევაში ჩაითვლება, რომ იგი უკანონოდ ეწევა საქმიანობას და აქედან გამომდინარე, დაჯარიმდება. განაცხადა იუსტიციის მინისტრის პირველმა მოადგილემ ალექსანდრე ბარამიძემ. ვინაიდან უცხოეთში არალეგალურად ცხოვრება დამუსაობა გარკვეულ რისკებთან არის დაკავშირებული, მათ შორის სიცოცხლისა და ჯანმრთელობის რისკთან, სისხლის სამართლის პასუხისმგებლობა შეიძლება დაეკისროს ე.წ. დასაქმების ფირმას, რომელსაც შეცდომაში შეჰყავს ადამიანები და ტრეფიკინგის მსხვერპლად აქცევს მათ.