აფხაზეთის დე ფაქტო ხელისუფლებამ ენგურის საზღვარზე გადაადგილების დროებითი გამარტივებით ორი კურდღელი დაიჭირა

0
299

პირველი აპრილიდან აფხაზეთის დე – ფაქტო ხელისუფლება სავიზო რეჟიმს უწესებს ყველა ქვეყანას, ვინც უარი თქვა მისი დამოუკიდებლობის აღიარებაზე. გუშინ ეს წესი ბელორუსიის მოქალაქეების მინმართ ამოქმედდა.

ამ ფონზე ერთობ მოულოდნელი აღმოჩნდა ენგურის ხიდზე მოძრაობის დაშვება ქართული პასპორტებით, საშვების გარეშე, რასაც მალემრწმენი ადამიანები სიხარულით შეხვდნენ, მიუხედავად იმისა, რომ გამოითქმოდა აზრი, რომ ეს დაშვება და კომპრომისი დროებითი იყო და მიზნად ისახავდა ქართული პასპორტის მქონე ადამიანების ,,ლუსტრაციას".

მართლაც, როგორც ცნობილია დე ფაქტო ხელისუფლება თვლის, რომ ქართული მოსახლეობის ერთი ნაწილი აფხაზური პასპორტის მიღების მიზნით  მალავს, რომ იგი საქართველოს მოქალაქეა, ქართული პასპორტის მატარებელი.  შესაბამისად, ეს იყო ერთგვარი ტესტი, რომელიც დაეხმარა ხელისუფლებას მათ იდენტიფიკაციაში. საკონტროლ;ო – გამშვებ პუნქტზე გადასვლისას უნებლიედ დარეგისტრირდა ყველა ქართული პასპორტის მატარებელი, რაც იყო კიდეც ამ კომპრომისის დაშვების  მიზანი.    დღეს ენგურის ცენტრალურ ხიდზე რამდენიმე დღიანი თავისუფალი მოძრაობის შემდეგ მიმოსვლა ისევ შეიზღუდა. 

აფხაზეთის ლეგიტიმური მთავრობის სამეგრელო-ზემო სვანეთის წარმომადგენლობის ხელმძღვანელის ალექსანდრე ჩიკვაიძის ინფორმაციით, ასობით ადამიანი გალში, საკუთარ სახლში დაბრუნებას ვერ ახერხებს. შესაძლოა ეს გაგრძელდეს ბინადრობის უფლების დამადასტურებელი საბუთების გაცემამდე, რაც აიძულებს ამ ადამიანებს საკონტროლო -გამშვები პუნქტის გავლით, შემოვლითი გზებით   დაბრუნდეს სახლებში, რაც გარკვეული რისკების შემცველია. ჯარიმები და სანქციები საზღვრის უკანონო გადალახვისთვის აფხაზეთის ბიუჯეტის შევსებისათვისაც კარგია , ასე რომ დე ფაქტო ხელისუფებამ ორი კურდღელი დაიჭირა.
 

წინა სტატიააფხაზი მეცნიერები: ,,თუ ძველი გვარები არ დავიბრუნეთ, როგორ ავუხსნათ ქართველებს, რომ ჩვენ არანაირი ქართველური წარმოშობა არა გვაქვს?”
შემდეგი სტატიააფხაზეთის ლეგიტიმური მთავრობის ყოფილი წარმომადგენელი უფროსის მოვალეობის შემსრულებელს დაუპირისპირდა.
ტელეკომპანია ოდიშის საინფორმაციო სამსახური