ენერგეტიკის სამინისტროში ბრიფინგი იწყება – წინასწარი ინფორმაციით, საუბარი აფხაზეთის ენერგომომარაგებას შეეხება.განცხადებას ენერგეტიკის მინისტრი კახა კალაძე გააკეთებს.
ოკუპირებულ აფხაზეთს ელექტროენერგია უკვე ოცი დღეა შეზრუდვებით მიეწოდება. ეს დაკავშირებულია "ენგურჰესის" წყალსაცავში წყლის დონის მნიშვნელოვნად დაკლებასთან და შესაბამისად ჰიდროელექტროსადგურზე 25 იანვრიდან დროებითი გათიშვის სისტემის ამუშავებასთან. გათიშვის სისტემა ასეთ პირობებში 15 აპრილამდე იმოქმედებს, უფრო მეტიც, ელექტროენერგიის მიწოდება ენგურჰესიდან მარტში სრულად შეწყდება.
როგორც სპეციალისტები ამბობენ, შეზღუდვები, მათ შორის დროებითი გათიშვის სისტემის ჩართვა ეფექტს ვერ მოიტანს,რადგან ბოლო ერთი წელია, აფხაზეთში ელექტროენერგიის მოხმარება გაიზარდა, საჭიროა რაღაც დამატებითი ზომები, კერძოდ, ალტერნატიული წყაროები, ამის გათვალისწინებით ელექტროენერგიის მიწოდებაზე შეზღუდვები 16 თებერვლიდან მოიხსნა.
გუშინ კომპანია "ჩერნომორენერგოს" პრესსამსახურმა განაცხადა, რომ სანამ ენგურში წყლის დონე არ მოიმატებს, აფხაზეთის მომარაგებას ელექტროენერგიით რუსეთის ფედერაცია უზრუნველყოფს.
რა ზომებს მიმართავს საქართველოს მთავრობა თავის ტერიტორიაზე მცხოვრები მოსახლეობის ელექტროენერგიით უზრუნველყოფისათვის? პასუხი ამ კითხვას სავარაუდოდ, დღევანდელ ბრიფინგზე უნდა გაეცეს.