ზუგდიდის ყინულის საციგურაო მოედანი, რომლის მშენებლობა ცოტა ხნის წინ დასრულდა და რომელიც საზეიმოდ უნდა გახსნილიყო, დღეს დილით ჩაიფუშა. ქალაქის მერია ამის მიზეზად წუხელ მოსულ უხვ ნალექს ახახელებს. მერიის განცხადებით, იყო საშიშროება კონსტრუქციის ჩამონგრევის და ხელოვნურად ჩაფუშვის გადაწყვეტილება ამის გამო იქნა მიღებული. თუმცა არსებობს მეორე ვერსიაც, კერძოდ, საციგურაო მოედნის არსებულმა გათბობის სისტემამ არ იმუშავა. ჩვენი ინფორმაციით, ყინულის სახლის გათბობის სისტემამ ტესტირება ვერ გაიარა, გამათბობლის სისტემის ხარისხიანად მუშაობის შემთხვევაში თოვლი უნდა დამდნარიყო, რაც ჩაფუშვას არ გამოიწვევდა. აღნიშნულთან დაკავშირებით ჩვენ ქალაქის მერს დავუკავშირდით. ირაკლი გოგოხიამ სატელეფონო საუბარში განაცხადა, რომ სისტემა მუშაობდა და მოკვლევა გაკეთდება დაფიქსირებულ პრობლემასთან დაკავშირებით. ამ წუთისათვის ზუგდიდის ყინულის მოედანი მთლიანად არის ჩაფუშული.ყინულის საციგურაო მოედანი, რომელიც წლის ბოლოს უნდა გახსნილიყო, დღემდე არ ფუნქციონირებს. მერიის განცხადებით ოლიმპიური სტანდარტების შესაბამისი საციგურაო მოედნის მშენებლობა 5 მილიონი ლარი დაჯდა, საინტერესოა ასეთი ძვირადღირებული პროექტის მშენებლობისას რატომ არ იყო დაცული სტანდარტები და რატომ ჩაიბარა მერიამ უხარისხოდ აშენებული საციგურაო მოედანი?