საქართველოს კულტურული მემკვიდრეობის დაცვის ეროვნულ სააგენტოში 2015 წლის შემაჯამებელი რეგიონალური სამუშაო შეხვედრა გაიმართა.
შეხვედრა მიეძღვნა მუნიციპალური მმართველობების წვლილსა და როლს კულტურული მემკვიდრეობის დაცვის სფეროში ,ეროვნული სააგენტოს თანამშრომლობას უცხოელ პარტნიორებთან და ასევე იმ რეგიონებთან, სადაც განთავსებულია იტორიული ძეგლები, აგრეთვე ახალ კანონპროექტებს, შავი არქეოლოგიის პრობლემატიკას, მსოფლიოს მემკვიდრეობის ძეგლების მართვისა და მათი მოვლა-პატრონობის უნიშვნელოვანეს საკითხებს.
შეხვედრაზე სააგენტოს პრიორიტეტებზე ისაუბრა გენერალურმა დირექტორმა ნიკა ანთიძემ, რეგიონალური ურთიერთობების სამსახურის უფროსმა დავით ტყეშელაშვილმა წარადგინა სამომავლო გეგმები ისეთ მნიშვნელოვან ისტორიულ-კულტურულ ძეგლებზე, როგორიცაა: ვარძიის სამონასტრო კომპლექსი, ღალიის ქართველთა მონასტერი კუნძულ კვიპროსზე, დადიანების სასახლის ბოტანიკური ბაღი, ნოქალაქევის მუზეუმ-ნაკრძალი, ისტორიული დასახლება – მუცო, ზემო სვანეთის ისტორიული ძეგლები, ანჩისხატის ეკლესია და სხვა.
შეხვედრა რაიონული მუნიციპალიტეტების და ა(ა)იპ-ის წარმომადგენლების პრეზენტაციებით გაგრძელდა, ზუგდიდის მუნიციპალიტეტში კულტურული მემკვიდრეობის დაცვის სფეროში გაწეულ სამუშაოებზე და სამომავლო გეგმებზე ისაუბრა გამგეობის ძეგლთა დაცვისა და ტურიზმის განყოფილების უფროსმა ლაშა ჯიქიამ