სოფელ ნარაზენში მკვლელობა მოხდა. მოკლულია ზუგდიდის მკვიდრი სოსო ეხვაია, 60 წლამდე ასაკის მამაკაცი. მისი გვამი მდინარის პირას, ეკალ–ბარდებში იპოვეს, მას თავის არეში ქვით მიყენებული დაზიანება აღენიშნება.
სოსო ეხვაია ტაქსის მძღოლი იყო, სავარაუდოდ იგი ყაჩაღებმა ქალაქ ზუგდიდიდან სოფელ ნარაზენში წაიყვანეს, სადაც მისთვის ფულისა და მანქანის წართმევა სცადეს. მამაკაცმა დამნაშავეებს წინააღმდეგობა გაუწია, რა დროსაც მას თავში ქვა ჩაარტყეს და მოკლეს.
თავდამსხმელებმა მამაკაცი გაძარცვეს, ხოლო გვამი დანაშაულის დაფარვის მიზნით ეკალ-ბარდებში დამალეს. დამნაშავეებმა მანქანა გაიტაცეს, თუმცა მოგვიანებით ავტომობილი იქვე მიატოვეს და მიიმალნენ.
გარდაცვლილი მამაკაცი ახლობლებმა თითქმის 24 საათიანი ძებნის შემდეგ იპოვეს.