,,როგორც ყოველთვის, პუტინმა მე გამიხსენა. ვლადიმერ ვლადიმეროვიჩს ჩემი დავიწყება არ შეუძლია. ჩემი საქმიანობა უკრაინაში მას ძალიან არ მოსწონს და მე მისი მესმის. თუ უკრაინაში კორუფციას ხერხემალში გადავტეხავთ და სიღრმისეულ რეფორმებს გავატარებთ, მისი სიცრუის იმპერია კარტის სახლივით დაიშლება. პუტინმა მორიგი ტყუილი თქვა, რომ ამერიკელებმა ვიზა არ მომცეს, მაშინ როცა სამწლიანი სამუშაო ვიზა მაქვს''. – ასე გამოეხმაურა საკუთარ facebook გვერდზე მიხეილ სააკაშვილი პუტინის მორიგ გამოხდომებს მის წინააღმდეგ. გუშინ რუსეთის პრეზიდენტმა ყოველწლიურ შემაჯამებელ პრესკონფერენციაზე ისაუბრა მიხეილ სააკაშვილის საქმიანობაზე უკრაინაში , აღნიშნა, რომ აშშ_მ სააკაშვილს სამუშაო ვიზა არ მისცა და უკრაინაში გააგზავნა. პუტინმა სააკაშვილის უკრაინაში დანიშვნა "უკრანელი ხალხისთვის შეფურთხებად" შეაფასა.
მიხეილ სააკაშვილმა აშშ-ს მიერ გაცემული ვიზის ფოტო გამოაქვეყნა და იქვე დააკომენტარა:
ესეც ჩემი "მოკითხვა" ვლადიმერ პუტინს, რომელმაც დღეს ამ ერთი წლის განმავლობაში ჩემი ამერიკული ვიზის შესახებ რიგით მესამეჯერ მოიტყუა, რომ თითქოს ამერიკელები მე ვიზას არ მაძლევენ (სამუშაო ვიზა 01: განსაკუთრებული უნარებისა და გამოჩენილი თვისებების მქონე პირებისთვის). სამწუხაროა, რომ ვლადიმერ პუტინის პოზიცია თითქმის ანალოგიურია იმისა, რასაც პრემიერ-მინისტრი და მისი მინისტრი აცხადებდნენ ჩემთან დაკავშირებით. იმედი მაქვს ეს უბრალოდ დამთხვევაა.
Read more: http://www.tzona.org/post/mixeil-saakashvili-pputitns-exmaureba#ixzz3ueulwY1L